Indege z’intambara za Israeli zaraye zirashe ibirindiro 25 by’umutwe wa Hamas mu ntara ya Gaza muri Palestina mu ijoro ryakeye. Igisilikali cya Israeli kiratangaza ko kivunaga ibisasu bya roquets Hamas yarimo irasa muri Israeli. Israeli ivuga ko Hamas yarashe ko ibisasu 45. Abaturage ba Israeli ibihumbi 20 baturiye Gaza baraye mu buvumo bwo kwingira ibisasu. Abaganga baratangaza ko Abanya-Palestina batanu bakomeretse bidakabije. Naho ku ruhande rwa Israeli, ntibavuga niba hari uwagize icyo aba. Impande zombi zongeye kurasana nyuma y’imyigaragambyo ikomeye yatangiye ku italiki ya 30 y’ukwezi gushize ku mupaka wa Gaza na Israeli. Imyigaragambyo yaguyemo abanya-Palestina 132, bamwe bazize amasasu y’abashinzwe umutekano ba Israeli.
from Voice of America https://ift.tt/2JQ6qS2
via IFTTT
No comments:
Post a Comment