Urukiko rw'ikirenga rwa Kenya rwatesheje agaciro instinzi ya Kenyatta, rutegeko ko haba andi matora

Urukiki rw'ikirenga mu gihugu cya Kenya rwemeje ko amatora ya Perezida atakozwe mu buryo bwibahirije itegeko nshinga ruvuga ko ibyayavuyemo biteshejwe agaciro.

Ibi byemejwe nyuma y'aho Komisiyo y'Amatora muri Kenya (IEBC) iherutse kwemeza ko Uhuru Kenyatta wari usanzwe ayobora iki gihugu ari we watsinze amatora ku majwi 54,27 ku ijana, mu gihe uwo bahiganwaga Raila Odinga wari uhagarariye ihuriro ry'imitwe ya Politiki NASA iyi komisiyo yatangaje ko yagize amajwi 44,74 kw'ijana.

Odinga ntabwo yigeze yemera ibyavuye muri aya matora ahubwo yahise avuga ko ibyatangajwe bidahuye n'amajwi y'ukuri y'abatoye ibyo yakunze kuvuga ko ari ibihimbano bya mudasobwa batangaje.

Byatumye ajya kujurira mu rukiko rw'ikirenga rwa Kenya ari na rwo rwatesheje agaciro aya matora.

BBC yanditse ko urukiko rwemeje ko Kenyatta atatsinze aya matora nkuko Komisiyo yabitangaje, uru rukiko kandi rwategetse ko amatora agomba kongera gusubirwamo mu gihe kitarenze iminsi 60.

from Makuruki.rw | Amakuru Asesenguye! http://ift.tt/2xCi3lM
via IFTTT