Amerika Yagabanije Impunzi Yakira

Reta ya Trump yagabanije ibitigiri vy’impunzi yemerera kwinjira mu gihugu. Sekreteri wa reta wa Reta y’Amerika Mike Pompeo yatangaje kuri uyu wa mbere ko impunzi ibihumbi 30 arizo zizokwakirwa muri Reta zunze ubumwe z’Amerika mu mwaka w’2019, igitigiri gito cane cemerewe kuva mu mwaka w’1980. Pompeo yavuze ko Amerika yiteze gutunganiriza impunzi zirenga ibihumbi 30 hamwe n’abasaba ubuhungiro bashika ku bihumbi 280 mu mwaka w’2019. Yatangaje ko imvo z’umutekano mu gihugu ari zo nyamukuru zitumye haba iryo gabanywa, avuga kandi ko ubuhinga bwahora bukoreshwa mu kugenzura impunzi wasanga bwemerera n’abashobora kuba bafitaniye isano n’iterabwoba. Mwomenya ko mu mwaka wa nyuma w'intwaro ya Perezida Obama, reta yiwe yakiriye impunzi zishika ku bihumbi 85.

from Voice of America https://ift.tt/2xvL8QW
via IFTTT