Perezida Donald Trump ategekanya kugendera Reta ya Carolina ya ruguru kuri uyu wa gatatu kwirabira ivyononywe n’igihuhusi kivanze n’imvura cataziriwe Florence hamwe n’aho ibikorwa vyo gutabara bigeze. Perezida Trump avuga ko ashima ukwitanga kw’abategetsi, abasirikare hamwe n’abandi bariko barafasha. Igihuhusi Florence gushika ubu kimaze guhitana ubuzima bw'abantu bashika kuri 32, gisiga ibisagara nka vyose vyo muri Carolina ya ruguru mu bishanga vy’amazi n'imyuzure. Abategetsi bo muri reta bose basaba abanyagihugu kutishimira akazuba kabonetse kuri uyu wa kabiri, kuko ngo hari iyindi myuzure yitezwe mur’iyi ndwi.
from Voice of America https://ift.tt/2pmSp1G
via IFTTT
No comments:
Post a Comment