Cassien Ntamuhanga wareganwe hamwe na Kizito Mihigo agakatirwa gufungwa imyaka 25, Sibomana Kirege wari warakatiwe imyaka 20 na Tambirije Théogène wari warakatiwe gufungwa imyaka 16 batorotse gereza ya Nyanza.
Aba bagabo batorotse mu ijoro ryo kuri uyu wa 30 Ukwakira 2017 nkuko umuvugizi w'Urwego rw'Igihugu rw'Imfungwa n'Abagororwa ,RCS, CIP Sengabo Hillary yabitangaje.
CIP Sengabo yavuze ko aba bagororwa mu gutoroka bakoresheje imigozi bakurira urukuta rwa gereza bakabasha gusimbuka urukuta nta mucungagereza ubabonye.
Abacungagereza ngo babonye ibimenyetso byo gutoroka kw'aba bagororwa nyuma yo kubona imigozi inaganitse ku rukuta rw'igihome cya gereza.
Cassien Ntamuhanga ahuje dosiye na Jean Paul Dukuzumuremyi, Agnes Niyibizi na Kizito Mihigo. Ntamuhanga wakoraga kuri radiyo Ubuntu butangaje yari yarakatiwe igifungo cy'imyaka 25 ku byaha birimo icyo kugambira kugirira nabi umukuru w'igihugu, kurema umutwe w'abagizi ba nabi, gucura umugambi w'ibikorwa by'iterabwoba.
Sibomana Kirege watorokanye na we yari yarakatiwe gufungwa imyaka 20 azira icyaha cy'ubuhotozi naho Tambirije Théogène wari warahamijwe icyaha cyo gufata ku ngufu yari yarakatiwe gufungwa imyaka 16.
from Makuruki.rw | Amakuru Asesenguye! http://ift.tt/2zlCfg7
via IFTTT
No comments:
Post a Comment