Sentare nkuru ntahinyuzwa ya Reta Zunze Ubumwe za Amerika yafashe ingingo ishigikira ingingo yari yafashe na reta ya Pezida Trump, ibuza abanyagihugu bo mu bihugu bimwe bimwe, ahahini bigwiriyemwo abaislamu, kwinjira muri Amerika: Iyo ngingo rero irahaye intsinzi President Donald Trump kuko mur’iki gihe, ashohoboa gushira mu ngiro iyo ngingo idahuriko na bose. Ku majwi atanu yemeye iyo ngingo n’ane yayihakanye, iyo sentare yavuze ko President afise uburenganzira ahabwa n’ibwirizwa shingiro, bwo kugabanya igitigiri c’abanyamahanga bagendera muri Amerika, afatiye ku makenga y’umuteakano, nk’uko reta ya Trumpa yamye ibivuga. Umwe mu bacamanza icenda bo mur’iyo sentare, John Roberts, niwe yashikirije ijwi ryatumye abatoye gushikira reta ya Prezida Trump kur’ico kibazo, batsinda, akaba yagize ati: Ingingo ya Prezida Trump yokubuza abanyagihugu bava mu bihugu bimwe bimwe kungendera muri Amerika, iri mu bubasha n’uburenganzira bwiwe.
from Voice of America https://ift.tt/2KlPcLX
via IFTTT
No comments:
Post a Comment