Miss Phiona abaye uwa kabiri akurikira Miss Gaseangwe Balopi wo muri Botswana mu irushanwa rya Miss Africa 2017 ryaberaga mu gihugu cya Nigeria.
Irushanwa ryabaga ku nshuro ya kabiri, rigamije kubungabunga ibidukikije, abaryitabiriye bakoze ibikorwa bitandukanye ndetse basura n'uduce tumwe two muri Nigeria.
Iri rushanwa ryegukanwe na Miss Miss Gaseangwe Balopi wo muri Botswana ryari rimaze ibyumweru 3 ribera muri Nigeria, abaryitabiriye uko ari 25 bakaba bariyerekanye bambaye imyenda yo kogana ndetse ku munsi w'ejo bifotoje bambaye imyenda gakondo yerekana umuco w'ibihugu bahagarariye.
Muri 25 bari bitabiriye babanje gutoranyamo 15 , aribo baje gutorwamo nanone 5 bahiga abandi barimo n'Umunyarwanda.
Batanu baje mu myanya y'imbere baturuka muri Botswana, Rwanda Afurika y'Epfo, Sudani y'Epfo na Namibia.
Miss Gaseangwe wo muri Botswana wegukanye ikamba rya Miss Africa 2017 yahembwe ibihumbi 30 by'Amadolari ya Amerika, bivuze ko miliyoni 25 z'Amanyarwanda.
Ibirori byo gutangaza uwahize abandi, byabereye muri Calabar International Conference Centre muri Leta ya Cross River ari nayo itegura iri rushanwa byari byitabiriwe n'abahanzi bakomeye nka Neza (Rwanda), Tekno na Runtown (Nigeria), Vanessa Mdee (Tanzania) na Mafikizolo (Afurika y'Epfo)
- Miss Gaseangwe Balopi wo muri Botswana niwe wabaye Miss Africa 2017
- Miss wo muri Sudan y'Epfo yabashije kuza muri 5 ba mbere
- Miss wari uhagarariye Africa y'Epfo yabaye igisonga cya kabiri cya Miss Africa 2017
- Miss wari uhagarariye Namibia yaje muri 5 bambere
- Miss Phiona wari uhagarariye u Rwanda yabaye igisonga cya mbere cya Miss Africa 2017
- Mbere yo kumenyeshwa uwegukanye ikamba rya Miss Africa 2017 babanje kwiyerekana bambaye imbenda yo ogana
from Makuruki.rw | Amakuru Asesenguye! http://ift.tt/2Chk0XR
via IFTTT
No comments:
Post a Comment