Inteko rusange y'Abaminisiriri ba Africa y'Iburasirazuba (EAC) iteraniye muri Uganda, mu nama rusange ya 36 yo kuvugurura imikorere y'Akarere mu bijyanye n'Ubukungu, Iterambere rirambye ndetse n'ubufatanye mu nzego zitandukanye.
Kuri uyu wa mbere nibwo abaminisitiri bagize Inteko rusange ya EAC bahuriye mu gihugu cya Uganda, muri gahunda yo kuvugurura imikorere bagambiriye kuzamura ubukungu bw'ibihugu bigize uyu muryango ndetse no kuvugurura ubufatanye muri uyu muryango.
Nkuko New Vision dukesha iyi nkuru ibitangaza, Iyi nama yateraniye muri Uganda kuva kuri uyu wa mbere ifite insanganyamatsiko igira iti,”Tuzamure Ubukungu n'Iterambere duharanira Ubufatanye bw'Abanyamuryango”
Inama y'Inteko rusange y'Abaminisitiri ba EAC ya 36, izigira hamwe ishyirwa mu bikorwa ku myanzuro y'inama iheruka kubahuza, kurebera hamwe raporo y'umunyamabanga wa EAC, gutegura no gushyira mu bikorwa ibirebana n'ibikorwa remezo ndetse no kurebera hamwe imbereho y'abagize uyu muryango.
Aba ba Minisitiri kandi baziga kuri raporo zigaragaza uko politike ihagaze mu Karere, ubucuruzi ndetse n'Amahooro, kandi aka kanama kakaba kazigira hamwe iby'imari ndetse n'imiyoborere ya EALA n'Akanama gashinzwe Ubutabera (EACJ).
Ibindi biri ku murongo w'ibyigwa ni Umutekano w'urujya n'uruza rw'abaturage ba EAC, Umutekano no guhangana n'ibiwuhungabanya, uko uburobyi buhagaze mu Nyanja ya Victoria, kurebera hamwe imikino ihuza Kaminuza zo muri aka Karere, Bank Nyafurika itsura amajyambere, Ikibaya cya Victoria, ubumenyi bw'Isi n'Ikoranabuhanga, imikoreshereze y'Ururimi rw'igiswahili mu Karere, ndetse banarebere hamwe aho ubushakashatsi mu buzima buhagaze.
Abagize Inteko rusange y'Abaminisitiri muri EAC bafite Inshingano zo kurebera hamwe ishyirwa mu bikorwa ry'imishinga y'aka Karere, ndetse no kugenzura imikorere y'imiryango ikorera mu Karere.
from Makuruki.rw | Amakuru Asesenguye! http://ift.tt/2Ahr6dA
via IFTTT
No comments:
Post a Comment