Uhuru Kenyatta na Visi Perezida we William Ruto bitabiriye amasengesho yo gusabira umugisha umuhango wo kurahirira kuyobora Kenya muri manda ye ya kabiri ngo uzagende neza kandi Imana izamufashe igihugu kizarangwe n'amahoro kugeza avuye ku butegetsi.
Kuri iki cyumweru Perezida wa Kenya Uhuru Kenyatta yitabiriye amasengesho yo gusabira umugisha umuhango wo kurahirira kuyobora Kenya muri manda ye ya kabiri mu idini rya Redeem Gospel Church muri Huruma.
Umuhango wo kurahira kwa Uhuru Kenyatta ndetse na Visi Perezida we William Ruto, Uteganijwe kuri uyu wa kabiri, ukaba uzitabirwa n'abanyacyubahiro baturutse imihanda yose.
Uyu muhango wo kurahira kwa Uhuru Kenyatta uteganijwe kubera muri Kasarani Stadium, ukaba uzitabirwa n'abakuru b'ibihugu na za Guverinoma 11 ndetse n'abahagarariye ibihugu byabo 13 barongowe na Minisitiri w'Intebe wa Islael Benjamin Netanyahu.
Nk'uko Daily nation dukesha iyi nkuru ibitangaza, mu baperezida bitezwe ku munsi w'ejo harimo; Yoweri Museveni wa Uganda, Ian Khama wa Botswana, Paul Kagame w'u Rwanda, John Pombe Magufuli wa Tanzania, Edgar Lungu wa Zambia, Ismaïl Omar Guelleh wa Djibouti, Hage Geingob wa Namibia, Faure Gnassingbé wa Togo, Mohamed Farmajo wa Somalia, na Minisitiri w'Intebe wa Ethiopia Hailemariam Desalegn.
Ibindi bihugu bizahagararirwa n'abaminisitiri harimo Nigeria, Guinea, Angola, Democratic Republic of Congo, Burundi,na Yemen mu gihe ibihugu bizohereza intumwa zihariye ari Afurika y'Epfo, Britain, Ukrain ndetse na India
Perezida Uhuru Kenyatta agiye kurahira nyuma yo gutsinda amatora yaranzwemo n'imvururu zatewe no kutavuga rumwe ku byavuye mu matora bikanasaba ko amatora yo kuwa 08 Kanama 2017 yanaje gusubirwamo kuwa 26 Ukwakira 2017.
from Makuruki.rw | Amakuru Asesenguye! http://ift.tt/2ztGtPe
via IFTTT
No comments:
Post a Comment