Mu birori byabaye kuri iki cyumweru tariki ya 26 Ugushyingo 2017 bikabera mu mujyi wa Las Vegas, Miss Nel-Peters wari uhagarariye igihugu cya Afurika y'Epfo ni we wegukanye ikamba rya Nyampinga w'Isi (Miss Universe).
Miss Nel-Peters wari uhagarariye igihugu cya Afuirika y'Epfo mu irushanwa rya Miss Universe, yaraye aryengukanye ikaba ari n'inshuro ya kabiri Nyampinga w'Isi akomoka muri Africa y'Epfo.
Miss Nel-Peters yabaye Miss Universe akurikirwa na Miss Laura González wo mu gihugu cya Colombia, mu gihe igisonga cya kabiri cyabaye Miss Davina Bennett wari uhagarariye igihugu cya Jamaica.
Miss Nel-Peters wabaye Miss Universe, mu minsi ishize yahawe impamyabumenyi y'icyiciro cya kabiri cya Kaminuza mu ishami rya Business Management yakuye muri Kaminuza ya North-West University.
Miss Nel-Peters yaboneyeho umwanya wo gusaba inzego zibishinzwe kongerera agaciro abagore mu nzego z'imirimo bahabwa umushahara ungana n'uwa abagabo, kuko usanga bahabwa 75% by'umushahara ugenerwa abagabo.
Muri ibi birori byabereye mu mujyi wa Las Vegas, abakobwa 13 bakurikiye Miss Nel-Peters wo muri Africa y'Epfo n'ibisonga bye, harimo Miss wa Thailand, Sri Lanka, Ghana, Spain, Ireland, Croatia, Great Britain, USA, Brazil, Canada, Philippines, Venezuela na China.
from Makuruki.rw | Amakuru Asesenguye! http://ift.tt/2n7pgcu
via IFTTT
No comments:
Post a Comment