Umugore wamizwe n’ikiyoka kinini agakurwa mu nda yacyo yapfuye akomeje gutera benshi agahinda gakomeye(Amafoto)

Umugore ukomoka muri Indoneziya wakuwe mu nda y’ikiyoka kinini cyane yapfuye nyuma y’aho bagisanze mu busitani bw’aho uriya mugore yari yazimiriye akomeje kubabaza benshi.

Amakuru avuga ko ubwo uyu mugore witwa Wa Tiba w’imyaka 54 y’amavuko yari ari gukora mu busitani ku wa Kane w’iki Cyumweru, yahuye n’uruva gusenya nyuma y’uko iki kiyoka cya metero 7 zose kimuteye bikarangira kimumize kibanje kumuca umutwe dore ko abagize umuryango we bavuga ko bamushakishije bagaheba.

Mu gitondo cyakurikiye ibura ry’uyu mugore, abana be babonye inkweto ze, umupanga ndetse n’itoroshi yari afite bakomeza gushakira hafi nibwo baguye kuri iki kiyoka kibyimbye inda bahita bakeka ko cyamumize.

Nk’uko tubikesha The Guardian ngo aba bana b’uyu mugore bahise bahamagara Polisi ndetse basaba ubufasha abaturanyi babo niko guteranira iki kiyoka barakibaga basangamo uyu mugore yapfuye.Abaturage bo muri aka gace ka Mabolu gaherereye mu ntara ya Muna muri Indoneziya bababajwe n’uyu mugore mugenzi wabo ndetse bahita bashya ubwoba bamwe bavuga ko batazongera kujya hanze mu masaha ya nijoro, basaba inzego z’umutekano kubarinda ibi biyoka binini.

Amashusho yashyizwe hanze n’abantu bari aho abaturage babagiye iki kiyoka, yakwirakwiriye ku mbuga nkoranyambaga zitandukanye ku isi.

from YEGOB|Entertainment News https://ift.tt/2JNnxnx
via IFTTT