Umukuru wa Leta ya New York muri leta zunze ubumwe za Amerika yavuze ko Sayfullo Saipov uri inyuma y'igitero cyaraye kigabwe mu mujyi wa New York kigahitana abantu umunani yari yarinjirijwemo amatwara akaze ya islamu imbere muri Amerika.
Andrew Cuomo yavuze ko igipolisi kirimo gukora iperereza ku nyandiko ndende yerekeranye n'umutwe wiyita leta ya Kiyislamu basanze mu modoka yagongeshejwe ku bushake abanyamagare n'abanyabirenge.
Uwo mugabo ukekwa, ni umwimukira ukomoka muri Uzbekstani witwa Sayfullo Saipov, igipolisi cyamuhatiye ibibazo mu bitaro.
Abo bapolisi bamuhase ibibazo baravuga ko aho kwicuza impamvu yagabye icyo gitero ngo ahubwo arivuga ibigwi kubera abantu benshi cyahitanye.
Mu butumwa yacishije ku rubuga rwa Twitter, Perezida Donald Trump yasabye ko hagira ibihunduka muri gahunda zo gutanga visa zo kwinjira muri Amerika.
Yanditse avuga ko bumwe mu buryo bukoreshwa bwo gutanga visa hakoreshejwe tombola bwagombye gusimburwa.
BBC ivuga ko kandi Perezida Trump kandi yanategetse abarinda imipaka kurushaho kuba maso mu kwemerera abanyamahanga binjira muri Amerika.
Abanenga leta, baravuga ko ibyo Trump ashaka bishobora kuba bitabujije uwagabye igitero cy'ejo kwemerwa kwinjira muri Amerika.
Bongeraho kandi ko Uzbekistani akomokamo itari ku rutonde rw'ibihugu Trump ashaka ko ababituye batemererwa kwinjira muri Amerika.
from Makuruki.rw | Amakuru Asesenguye! http://ift.tt/2lGupaR
via IFTTT
No comments:
Post a Comment