Iyi myigaragambyo ikomeye iri kubera mu duce twa Majengo, Kibweti, Ndosho na Katindo mu mujyi wa Goma, amashuri, imihanda ,ikibuga cy'indege n'ibindi bikorwa biri muri uyu mujyi bikaba byafunze kubera umutekano muke wahazindukiye .
Amasasu menshi yazindutse avuga muri utu duce ndetse n'abashinzwe umutekano bakaba bamaze kuhagera kugira ngo bahoshe abigaragambya ndetse banakomeze kubungabunga umutekano w'abaturage bo muri aka gace.
Iyi myigaragambyo iri kubera muri ibi bice, abaturage bari mu myigaragambyo barimo gusaba Perezida Kabila kuva ku butegetsi bamusaba ko atagomba kurenza itariki 31 Ukuboza 2017 akiri muri Perezidansi ya Congo.
Ibikorwa byose muri uyu mujyi wa Goma byahagaze, ku buryo byanagize ingaruka ku banyarwanda benshi bahakorera ibikorwa by'ubucuruzi ndetse n'ibindi bitandukanye kuko batabashije kujyayo.
Radio Okapi dukesha iyi nkuru ivuga ko hari abantu bamaze kugwa muri iyi myigaragambyo ubwo abapolisi n'abasirikare barwanyaga abigaragambya bashaka kubakura mu mihanda.
Ibikorwa byinshi bikorerwa muri uyu mujyi byafunze
from UKWEZI.COM http://ift.tt/2gOkoTF
via IFTTT
No comments:
Post a Comment