Umupira ntiwihishira APR FC izahomba kuko itamfite – Yannick Mukunzi

Inama Yannick Mukunzi yagiriye abatoza n'abakinnyi bagenzi be zagize uruhare mu mikino ibiri batsinze APR FC

Yannick Mukunzi yavuye muri APR FC ajya muri Rayon sports. Nyuma yo gutsinda ikipe yaviyemo inshuro ebyiri yanyomoje abakinnyi n’abatoza ba APR FC bemeje ko ntacyo bazahomba kuba batamufite. Yemeza ko umupira utihishira ngo ntibazabura guhomba.

Yannick Mukunzi, yemeza ko kuba APR FC yaramubuze we na bagenzi be Faustin Usengimana na Rutanga Eric bizayihombya

Yannick Mukunzi, yemeza ko kuba APR FC yaramubuze we na bagenzi be Faustin Usengimana na Rutanga Eric bizayihombya

Umukinnyi wo hagati w’ikipe y’igihugu Amavubi Yannick Mukunzi tariki 31 Kanama 2017 yavuye muri APR FC yakiniye kuva 2009 ajya muri Rayon sports. Yayifashije gutwara ibikombe bibiri anatsinda APR FC yavuyemo inshuro ebyiri.

Nyuma yo gutwara Super Cup 2017 yagize icyo avuga ku magambo umutoza wa APR FC Jimmy Mulisa n’umukinnyi wayo Bizimana Djihad batangaje afata umwanzuro wo kuyivamo, bemeza ko nta cyuho cye kizaboneka muri APR FC, ngo biteguye kumusimbuza neza ku buryo ntacyo APR FC izahomba kuba idafite Yannick Mukunzi.

Uyu mukinnyi w’imyaka 22 yabwiye abanyamakuru uruhare yagize mu mikino ibiri APR FC yatsinzwemo na Rayon sports. Yannick Mukunzi yagize ati:

“Mbere ya buri mukino abatoza twaraganiraga, nkababwira aho APR FC ifite ingufu n’aho ifite integer nke. Ntekereza ko hari icyo byadufashije kinini.

Kuvuga ko APR FC ntacyo izahomba numva ari ukwibeshya kuko umupira ni nka ‘Television’ ni ikintu kigaragarira amaso kandi kitihishira. Ni ikintu umuntu ashobora kureba yibereye ku kibuga. APR FC izahomba. Birashoboka ko bazankumbura.”

Yannick Mukunzi yagiriye ikibazo cy’imvune muri uyu mukino wa Super Cup 2017 batsinzemo APR FC 2-0, byatumye adakora imyitozo yo kuri uyu munsi. Bishobora gutuma adakina umukino ufungura shampiyona Rayon sports izakina na AS Kigali ku Cyumweru tariki 1 Ukwakira 2017.

Inama Yannick Mukunzi yagiriye abatoza n'abakinnyi bagenzi be zagize uruhare mu mikino ibiri batsinze APR FC

Inama Yannick Mukunzi yagiriye abatoza n’abakinnyi bagenzi be zagize uruhare mu mikino ibiri batsinze APR FC

Kubera ikibazo cy'imvune Yannick Mukunzi (wa mbere ibumoso) ntiyarangije umukino wa Super Cup

Kubera ikibazo cy’imvune Yannick Mukunzi (wa mbere ibumoso) ntiyarangije umukino wa Super Cup

Roben NGABO

UMUSEKE



from UMUSEKE http://ift.tt/2xDpOs7

No comments:

Post a Comment