Umuhanzi ukizamuka Pacific yashyize ahagaragara indirimbo yakoranye na Suzan Nyiranyamibwa

Umuhanzi nyarwanda ukizamuka, Pacific –Umwe Uzi yamaze gusohora indirimbo “Muraho” iri mu njyana gakondo yafatanyije n’umuhanzi Nyiranyamibwa Suzan wubatse izina mu Rwanda no hanze yarwo muri iyi njyana. Uyu musore ubusanzwe akaba akora injyana ya Hip Hop.

Mu kiganiro na Bwiza.com uyu musore yatangaje ko iyi ndirimbo ikubiyemo ubutumwa bugaragaza imibereho Abanyarwanda basangiye nk’inyabutatu Imana yabahaye, ariko by’umwihariko ikaba igamije gushishikariza urubyiruko gukunda iby’umuco nyarwanda aho kwijandika cyane mu by’abanyamahanga. Ati: “Dukunde iby’iwacu nibwo tuzagira agaciro“.

Abajijwe ukuntu yabashije kubonana na Suzan Nyiranyamibwa ndetse akemera ko bakorana indirimbo, Pacific yavuze ko bahuriye mu bikorwa byo kwamamaza umukandida wa RPF mu matora aheuka mu karere ka Kicukiro, akamugezaho igitekerezo afite cyo gukora indirimbo iri mu njyana ya gakondo, undi akabyumva akishima cyane ati: “Noneho mwavuye muri Nigeria Amerika n’ahandi ?

Umva indirimbo Muraho hano

Pacific avuga ko Nyiranyamibwa nubwo ari umuhanzi wiyubakiye izina, atigeze amunaniza kugirango bakorane nk’uko bamwe mu bahanzi bamaze gutera imbere bashinjwa n’abakizamuka kubananiza kugirango bakorane, ahubwo avuga ko yamubonyeho ubunyangamugayo no kubahiriza igihe.

Kuri ubu Pacific wamaze gushyira ahagaragara indirimbo nka “Twabikoze“, aravuga ko arimo gutegura no gutunganya album yitwa “Mfite Intego” izaba iriho indirimbo zirimo izo ari gukorana n’abandi bahanzi nka “Cheers” azaba ari kumwe na TBB, “Nkwiharire” azaba ari kumwe na Queen Cha ndetse n’izindi.

Mu minsi ya vuba, Pacific arateganya gusohora video y’iyi ndirimbo yakoranye na Suzan Nyiranyamibwa ndetse na video y’indirimbo “Revolution Game” azaba ari kumwe na Juliano Roberto, umusore uzwi mu gusobanura filimi.

 

Kanda hano ujye ubona amakuru yihuse kandi kugihe kuri Facebook no kuri twitter

 

Dennis Ns./Bwiza.com



from bwiza http://ift.tt/2fBsHFs
via IFTTT

No comments:

Post a Comment