Hon Ibrahim Abiriga Umudepite wo mu ishyaka rya NRM uhagarariye agace ka Arua ubutabera bwamusabye kwitaba Urukiko bitarenze taliki 9 Ukwakira, 2017 aregwa kunyara imbere ya Minisitiri w’imari. Ibi ngo ukwangiza ibidukikihe no gusuzugura urwego rwa Leta.
Abiriga akurikiranyweho icyaha cyo kwanduza ibidukikije yihagarikaga kuri Minisiteri y’imari
Ubushinjacyaha burega uyu nyakubahwa kunyara ku karubanda igikorwa cyangiza ibidukikije kikanasebya inzego.
Taliki ya 25, Nzeri, 2017 Depite Abiriga uhora yambaye amabara y’umuhondo y’ishyaka riri ku butegetsi yaparitse imodoka ye y’umuhondo ageze imbere ya Minisiteri y’imari maze yisunga agahuru gahari aritunganya.
Umuntu utaramenyekana yaramufotoye maze ifoto ayiha ikinyamakuru The Miror bucya yakwiriye hose.
Hon Abiriga ntahakana ko ari we yemeza ko yakubwe akananirwa kwihangana maze akitabara aho ageze atitaye kuri aho hantu ahubwo yitaye ku magara ye.
Yagize ati: “Nari nkubwe ryose ntabasha kwihangana. Ubwo se ibyiza ni uko nari kwinyarira? Ubwo se kuba umuntu akubwe akihagarika ikibazo kirimo ni ikihe?”
Aya magambo yababwiye abanyamakuru mu minsi ishize ubwo yari agiye kwinjira mu Nteko ishinga amategeko ya Uganda ngo baganire ku ngingo itavugwaho rumwe yerekeye guhindura Itegeko nshinga mu ngingo ikumira abarengeje imyaka 75 kwiyamamaza.
Avuga ko yabikoze kuko yari akubwe kandi ngo nta kibazo kuri abibonamo
Jean Pierre NIZEYIMANA
UMUSEKE.RW
from UMUSEKE http://ift.tt/2fAUqWX
No comments:
Post a Comment