Umuyobozi w’abatavuga rumwe na leta muri Tanzania, Tundu Lissu yarashwe ku gicamunsi cyo kuwa Kane tariki ya 7 Nzeri 2017 ubwo yari mu modoka ye hafi y’iwe mu mujyi wa Dodoma.
Ibitangazamakuru bitandukanye biravuga ko uyu muyobozi w’ishyaka TSL, yarashwe n’umuntu utaramenyekana wari witwaje intwaro ubwo yamutegaga akamisha urufaya rw’amasasu ku modoka yarimo, amasasu 2 akaba ari yo yabashije kumufata, rimwe mu nda no mu kuguru.
Uyu muyobozi wa Tanzania Law Society (TSL) utavuga rumwe n’ishyaka riri ku butegetsi CCM, ngo yari amaze igihe avuga ko adahangayikishijwe n’ubuzima bwe mu gihe hari ibyo aggomba kugaragaza bitagenda neza mu ishyaka riri ku butegetsi riyobowe na perezida Magufuri.
Mu bikunze kumuranga, anenga cyane ishyaka riri ku butegetsi kunanirwa guhangira abaturage imirimo, kugera ku iterambere rirambye, kuzamura imikorere y’abanyagihugu n’ibindi.
Lissu wanaranzwe no gutabwa muri yombi no gufungwa kwa hato na hato muri Tanzania, anashinjwa ibyaha bya politiki mu gihugu cye bigeze kuri 12 mu rukiko rwa ho.
Ibitangazamakuru byo muri Tanzania bivuga ko kugeza ubu ari mu bitaro bya Dodoma regional hospital ariko ko ubuzima bwe buhagaze nabi nyuma yo kuraswa.
Kanda hano ujye ubona amakuru yihuse kandi kugihe kuri Facebook no kuri twitter
from bwiza http://ift.tt/2gNb95F
via IFTTT
No comments:
Post a Comment