Polisi y'u Rwanda yatangaje ko yataye muri yombi abantu barindwi bakurikiranweho gukorana n'imitwe yitwaje intwaro ikorera hanze y'u Rwanda.
Ku ikubitiro ngo mbere yo gufata aba bantu, habanje gufatwa batatu b'urubyiruko bari bamaze kwinjizwamo imigambi yo kujya guhabwa imyitozo muri iyo mitwe yitwaje intwaro ikorera hanze y'u Rwanda. Ibikorwa byo kujyana abantu muri iyi mitwe yitwaje intwaro ngo bijya bibaho rimwe na rimwe.
Aba babatu bafashwe batanze amakuru yatumye hafatwa abandi bane bakurikiranweho kuba ari bari bafite gahunda yo kujyana aba basore muri uwo mutwe witwaje intwaro.
Aba bane ngo bakomoka mu mujyi wa Kigali no mu Ntara y'Iburengerazuba.
ACP Theos Badege yatagangarije KT Press dukesha iyi nkuru ko Polisi yatangiye iperereza kuri ibi byaha kuva mu kwezi gushize kwa Kanama."
Ati: "Twatangiye iperereza kuri ibi byaha kuva mu kwezi gushize, amategeko avuga ko tugomba kugeza ikirego cyabo ku bushinjacyaha mu gihe kitarenze iminsi itanu.
Polisi yavuze ko ibimenyetso n'amakuru arambuye kuri ibi byaha azatangazwa mu gihe cy'iburanisha.
Amazina y'abatawe muri yombi harimo Boniface Twagirimana, Fabien Twagirayezu, Gratien Nsabiyaremye, Leonille Gasengayire, Ufitamahoro Norbert, Twagirayezu Janvier na Nshimiye Papias.
Aba batawe muri yombo ngo bamenyeshejwe ko bafite uburenganzira bwo gushaka ababunganira mu mategeko.
from Makuruki.rw | Amakuru Asesenguye! http://ift.tt/2eNDz2H
via IFTTT
No comments:
Post a Comment