Nk’undi mukinnyi wese, nanjye nifuza gukinira ikipe y’igihugu- Danny Mwiseneza

Mwiseneza Danniel uzwi nka Danny wahoze ari myugariro w’ikipe ya Mukura Victory Sports kuri ubu wamaze kwerekeza mu ikipe ya Musanze Fc aratangaza ko umwaka utaha w’imikino 2017-2018 afite ingamba yafashe zizamufasha kwitwara neza.

Danny waciye mu makipe agiye atandukanye nka Kirehe Fc , akahava yerekeza muri Kiyovu Sport agakinamo  igihe cyingana na  amezi 2, aho yavuyemo yerekeza mu ikipe ya Kaminuza y’u Rwanda ishami rya Huye ikina mu cyiciro cya 2,  akahava akomereza umupira we mu ikipe ya Mukura, akayikina imyaka igera kuri itatu, magingo aya akaba ari kubarizwa mu ikipe ya Musanze Fc aratangaza ko ingamba ifite ari ukwitwara neza akaba yahamagarwa mu ikipe y’Igihugu ndetse akaba yanakerekeza hanze y’u Rwanda.

Mu kiganiro na Bwiza.com yagize ati” Nk’undi mukinnyi wese nanjye nifuza gukinira ikipe y’igihugu,kandi rwose mu iby’ukuri  biri mu intego zanjye, ariko ibyo biransaba gukora cyane kugira ngo mbigereho, ikindi n’uko nifuza gukora ntikoresheje kuko ndifuza gusohoka hano iwacu nkerekeza hanze, nanjye nkarushaho gutera imbere mu mwuga wanjye, kuko  icyanzitiraga cyari ishuri none nararisoje niyo mpamvu  kuri ubu ngiye gushyira mu ngiro intego nishyiriyeho”.

Uyu musore umwaka ushize w’amashuri 2016-17 nibwo yasoje icyiciro cya 2 cya Kaminuza muri Kaminuza y’u Rwanda ishami rya Huye, aho yigaga ibijyanye n’ubukungu mpuzamahanga  international) economics) akanabifatanya n’umwuga wo gukina umupira w’amaguru aho yakinaga mu ikipe ya Mukura Victory Sports.

Mwiseneza umwaka ushize w’imikino wa 2016-17 yakiniye ikipe ya Mukura imikino 28 ya Shampiyona, akina n’imikino 4 mu gikombe cy’Amahoro, akaba yaranayitsindiye igitego 1 mu mwaka wose,  agahabwa amakarita 2 y’umuhondo, ndetse mu myaka 3 yaramaze muri iyi kipe akaba atarigize ahabwa ikarita itukura, magingo aya akaba yaraguzwe n’ikipe ya Musanze Fc imutanzeho Milliyoni ziri hagati 3-4 z’amanyarwanda ndetse bikanavugwa ko azajya ahembwa hagati y’ibihumbi 300-400 by’amanyarwanda nk’umushahara wa buri kwezi.

Kuri ubu akaba ategereje kuzatangira imyitozo n’ikipe ye nshya ya Musanze Fc mu cyumweru gitaha   ku wa Gatatu  ku itariki ya 16 Kanama uyu mwaka turimo wa 2017 

Kanda hano ujye ubona amakuru yihuse kandi kugihe kuri Facebook no kuri twitter

Jean de Dieu Dushimimana/Bwiza.com

from bwiza http://ift.tt/2w4Qi7v
via IFTTT