Umuvugabutumwa akaba n’umuhanzi w’indirimbo zihimbaza Imana wo muri Nigeria witwa Bishop Fernandez wari warihimbye Yesu yapfuye azize impanuka y’Imodoka.
Uyu muhanzi wabiciye bigacika muri kiriya gihugu yamenyekanye cyane mu nsirimbo zisingiza iyo mu Ijuru ariko na none abantu bakaba batavugaga rumwe ku izina yihimbye rya Yesu.
Uyu musore wari ukiri muto ngo yihimbye iri zina avuga ko akora nk’ibyo Yesu yakoraga bityo akaba yaragombaga no kwitiranwa na we bituma ku mazina ye yongeraho “a.k.a. Jesus.”
Amakuru Bwiza.com ikesha ibitangazamakuru byo muri Nigeria avuga ko uyu musore yapfuye agonzwe n’imodoka y’ikamyo mu gace ka Akpajo, ubwo yari mu nzira ajya gushaka pastier ngo baganire.
Inshuti z’uyu musore zibinyujije ku rubuga rwa facebook zatangaje ko yari umuntu mwiza ndetse wari ukunzwe aho yabarizwaga kuko yabasusurutsaga binyuze mu ndirimbo zaririmbiwe Imana ndetse n’izina rye ritazabava mu mitwe “Yesu”
Umwe mu bakunzi be yagize ati”Namuherukaga anyifuriza amahirwe mu bizamini nendaga gukora, nabonye ari umwana mwiza Imana imwakire.”
Uyu musore ni umwe mu bantu bamenyekanye cyane ku izina muri kiriya gihugu kuruta kumenyekana mu muziki, kuko kumva ko umuntu yitwa Yesu abantu benshi batabyiyumvishaga.
Kanda hano ujye ubona amakuru yihuse kandi kugihe kuri Facebook no kuri twitter
from bwiza http://ift.tt/2wSE27E
via IFTTT
No comments:
Post a Comment