*Umwana ntabwo ngo yigeze amenya ko yabyaye, bamubwiye ko mu nda harimo ibiye.
Urukiko rw’Ikirenga rw’U Buhinde ruherutse kwangira umukobwa w’imyaka 10 gukuramo inda yatewe na Nyirarume amufashe ku ngufu. Kuri uyu wa Kane uyu mwana yabyaye undi mwana abazwe.
Mu Buhinde ngo hakunda kubaho ibikorwa byo gufata abana ku ngufu cyane
Ubwo yari atwite abakuru bo mu mudugudu atuyemo bamubwiraga ko mu nda ye hatarimo umwana ahubwo ari ibuye rinini riri mu gifu.
Uyu mukobwa muto yabyariye mu bitaro bya Leta biri Chandigarh, akaba yabyaye umwana w’umukobwa upima ibilo bibiri n’igice.
Umwe mu bakozi b’ibitaro yabwiye BBC ko umwana na Nyina bamerewe neza.
Mu cyumweru gishize Urukiko rw’ikirenga rwanze icyifuzo cy’uyu mukobwa kuko ngo inda yari ifite amezi menshi kuburyo kuyikuramo byashyira umwana na nyina mu kaga.
Nyirarume ngo yamufataga ku ngufu inshuro nyinshi mbere yo kumutera inda.
Umwana yavutse igihe kitageze, imbereho ibyumweru bitatu, agomba kwitabwaho n’abaganga.
Ababyeyi b’uyu mwana bavuze mbere ko badakeneye uru ruhinja, ngo nta nubwo bigeze bajya kureba aho umwana wabo yabyariye.
Uyu mwana azitabwaho n’akanama gashinzwe imiberho myiza, kamurere kugera igihe azaba ashobora guhabwa umuntu wifuza kumurera.
Inkuru y’umwana w’umukobwa watewe inda ari muto yabaye kimoma mu binyamakuru byo mu Buhinde, ubuyobozi buvuga ko ari ubwa mber emu mateka habayeho ikibazo nk’iki.
Mu Buhinde urukiko ntirwemera ko inda igeze ku byumweru 20 ikurwamo, keretse iyo byemejwe na muganga gusa.
Ahanini ngo abana batwita ntibamenya ibyababayeho, ngo hashize igihe urukiko rwakira amabaruwa asinywe y’abana bafatwa ku ngufu basaba ko gukuramo inda byoroshywa.
Umwe mu bajyanama b’ubuzima wabashije kuganira n’uwo mwana nk’umuntu umuba hafi, ngo yabonye atazi ko yanabyaye, yavuze ko ari umuziranenge.
Ababyeyi be ngo ntibigeze bamenya ko umwana wabo atwite kuko yari afite umubiri umeze neza, kuba yatwita ku myaka 10 ngo ntibari babyiteze.
UMUSEKE.RW
from UMUSEKE http://ift.tt/2wSAfrb
No comments:
Post a Comment