Abakozi basabwe gukurikirana umuhango w'irahira rya Perezida badasibye kazi

Minisitiri w'abakozi ba Leta n'umurimo Judith Uwizeye

Minisiteri y'abakozi ba Leta n'umurimo yatangaje ko kuri uyu wa 18 Kanama, umunsi w'irahira rya Perezida wa repubulika serivise zizakomeza gutangwa nkuko bisanzwe nubwo bitababuza gukurikirana uwo muhango bakoresheje uburyo butandukanye.

Kagame Paul uherutse gutorerwa gukomeza kuyobora u Rwanda azarahira kuri uyu wa 18 Kanama 2017.

Muri uyu muhango, abaturage b'ingeri zose baratumiwe bakazahurira kuri sitade Amahoro aho uyu muhango uzabera.

Uyu muhango kandi uzanitabirwa n'abakuri b'ibihugu batandukanye baturutse hirya no hino ku Isi.

Mu butubwa Minisiteri y'abakozi ba Leta n'umurimo MIFOTRA yanyujije ku rukuta rwayo rwa Twitter, iyi Minisiteri yatangaje ko kuri uyu munsi nta kiruhuko rusange gihari.

Abafite televiziyo na radiyo ngo bazakurikirana uyu muhango wo kurahira kwa Paul Kagame bari mu kazi kabo gasanzwe.

Minisitiri w'Abakozi ba Leta n'umurimo mu Rwanda Judith Uwizeye yatangarije RBA ko nubwo uyu ari umuhango ukomeye udakwiye guhagarika gahunda zose mu gihugu, yavuze ko abantu batazaba bitabiriye ubutumire bw'abatumiwe kuri sitade Amahoro bose bazakomeza akazi kabo nkuko bisanzwe kugirango hatazagira ababura serivise bakeneye kuri uriya munsi.

Minisitiri Uwizeye yavuze ko abantu bashobora gukurikirana uyu muhango w'irahira ku materevisiyo cyangwa ama radiyo ariko ntibahagarike akazi ku buryomu gihe uwo muhango uzaba urangiye cyangwa utaratangira abantu bazaba barimo gukora imirimo yabo nkuko bisanzwe.

Yagize ati: "Serivise zizakomeza gutangwa nkuko bisanzwe cyane cyane ko dufite n'abashyitsi benshi n'abandi bantu benshi bazitabira umuhango w'irahira rya Perezida wa repubulika, Serivise zizakomeza gutangwa nkuko bisanzwe abazishaka bazihabwe, abantu bashobora gukurikirana uriya muhango w'irahira rya Perezida bari no mukazi bagafata uriya mwanya bagakurikirana umuhango hanyuma warangira bagakomeza imirimo yabo."

Muri bwa budasa bw'abanyarwanda tugomba kubikora byombi icyarimwe kandi birashoboka. Abazasiba akazi kubera ko bitabiriye ubutumira birumvikana kuko bugomba kwitabirwa byanze bikunze ariko uzagasiba akazi kubera yuko yagiye kubikurikiranira kure azabanza abyumvikaneho n'umukoresha we.

from Makuruki.rw | Amakuru Asesenguye! http://ift.tt/2w4N6c6
via IFTTT