Perezida akaba n’umukandida w’ishyaka riharanira Demokarasi no kurengera ibidukikije, Green Party, Dr Frank Habineza avuga ko naramuka atowe azasubizaho caguwa akabanza akubaka inganda zihagije z’imyenda mu gihugu hanyuma akabona guca iyi myenda icuruzwa yarabanje kambarwa.
Ibi ni bimwe mu byo yatangaje mu gihe yagezaga imigabo n’imigambi ye ku baturage bo mu karere ka Ruhango ubwo yari mu bikorwa byo kwiyamamariza kuzahatana mu matora y’umukuru w’igihugu biteganyijwe umuri Kanama uyu mwaka, ibikorwa byabereye mu murenge wa Byimana, akagali ka Ntanyo.
Avuga kuri iki kibazo cy’ibyerekeranye n’icibwa ry’imyendsa yakoreshejwe (sekeni) ituruka hanze ikaza gukoreshwa mu Rwanda kimwe no mu bindi bihugu bikiri mu nzira y’iterambere cyane cyane ibyo ku mugabane w’Afurika, Dr Habineza yavuze ko natorwa azabisubizaho akabanza akubaka inganda zihagije z’imyenda mu Rwanda kandi zikora imyenda ihendutse ku buryo buri munyarwanda adafite ubushobozi bwo kugura imyenda ihenze nk’uko kuri ubu babisabwa.
Byari ibyishimo ku bashyigikiye Dr Habineza
Yagize ati”U Rwanda ni urw’Abanyarwanda bose si urw’abakire gusa. Ni gute u rwanda rwaca caguwa rutaragera no ku rwego rwa Kenya?”
Dr Frank kandi yanasangije ubuhamya gato ku mibereho y’igihugu yabayemo cya Suwede, aho yavuze ko na ho bambara imyenda ya Sekeni.
Yahize ati”no mu bihugu byateye imbere bambara imyenda yakoreshejwe, usanga abakire bayigura bakayambara amezi Abiri cyangwa Atatu hanyuma bakayigurisha n’abakene kandi barayambara. Urugero nabaye muri Suwede na ho nabaonye abazungu bambara imyenda ya caguwa.”
Icibwa ry’imyenda ya caguwa mu Rwanda ryatangiye gushyirwa mu bikorwa mu mwaka washize wa 2016 ariko ibi bikorwa bishyirwamo imbaraga cyane muri 2017, aho Minisiteri y’Inganda n’ubucuruzi yafashe umwanzuro wo gusoresha cyane abayizana mu Rwanda ahagamijwe kubananiza ngobizacuke burundu.
Kugeza ubu, mu Rwanda hamaze kubakwa inganda z’imyenda ariko ntibyakuyeho ko icibwa rya caguwa ryatumye igiciro cy’imyenda kizamuka ariko U Rwanda rukaba rukomeje guhangana n’iri zamuka binyuze muri gahunda yo guteza imbere ibikorerwa mu Rwanda bizwi nka Made in Rwanda.
Kanda hano ujye ubona amakuru yihuse kandi kugihe kuri Facebook no kuri twitter
from bwiza http://ift.tt/2uQZGeV
via IFTTT
No comments:
Post a Comment