Ikipe ya Mukura Victory Sports yasinyishije rutahizamu Mutebi Rashid wakiniraga ikipe ya Gicumbi FC ku masezerano y'imyaka ibiri.
Uyu rutahizamu watsinze ibitego 11 mu mwaka ushize w'imikino, yifuzwaga n'amakipe atandukanye arimo Musanze FC, Bugesera FC ndetse n'ikipe ya Kiyovu Sports.
Ubuyobozi bwa Mukura Victory Sports bwemeje amakuru yo gusinyisha uyu rutahizamu ukomoka muri Uganda kuri uyu wa Gatanu, aho yashyize umukono ku masezeano y'imyaka ibiri.
Mutebi Rashid wageze muri Gicumbi FC mu 2015, yafashije iyi kipe kuguma mu cyiciro cya mbere, aho mu mikino isoza shampiyona yatsinze Mukura Victory Sports igitego cyihuse kurusha ibindi muri shampiyona y'u Rwanda, nyuma y'amasegonda 14 gusa umukino utangiye.
Uyu rutahizamu abaye umukinnyi wa mbere mushya uzwi, uguzwe na Mukura muri iyi mpeshyi, mu gihe kandi amakuru ava muri iyi kipe ari uko bamaze no kongerera amasezerano Cyiza Hussein.
from Sports | WebRwanda.com http://ift.tt/2vIDY9f
via IFTTT
No comments:
Post a Comment