Umukandida wiyamamariza umwanya wa Perezida wa Repubulika, Mpayimana Philippe yatangaje ko naramuka atsindiye uyu mwanya azatangiza politiki yo kubyara abana batatu ku mugore.
Yabitangaje ubwo yiyamamazaga mu ntara y’i Burengerazuba mu turere twa Rubavu na Nyabihu. Ku munsi we wa Karindwi Mpayimana yiyamamarije mu mirenge ya Nyamyumba Gisenyi na Kanama mu karere ka Rubavu n’iya Mukamira na Rambura yo mu karere ka Nyabihu.
Mpayimana yavuze ko imvugo yo kubyara abo abantu bashoboye kugira ikwiye guhinduka ikaba iyindi.
Ati “imvugo ngo tubyare abo dushoboye kurera igomba gusimburwa no kubyara abo igihugu gishobora kurera.”
Akomeza avuga ko umuryango ugomba kubyara abana batarenze batatu, bikagabanya umutwaro ku mugore, nkuko biri muri manifesto ye.
Ati “Ikintu gishyashya ku byerekeye umuryango nashyizeho ni ukuganya imbyaro, kuzihagarika ntizirenge eshatu mu myaka iri imbere, bikaba intego bikaba amabwiriza, hakabaho ibintu byose bigomba gutuma umugore ari we urebwa n’umubare w’abana bavuka ntakwiye kurenza abana batatu.
Mpayimana akomeje urugendo rwe rwo kwiyamamaza mu Rwanda, aho agera hamwe ntibibe ngombwa ko ategura intebe kuko ngo abaturage batinya kuzicaramo bakeka ko ari iz’abayobozi, ahubwo agahitamo kubavugisha bahagaze.
Mpayimana ari muri iki gikorwa atagaragaza ikibazo cy’ubushobozi buke ku bijyanye n’imodoka nkuko byatangiye mu minsi ya mbere.
Kanda hano ujye ubona amakuru yihuse kandi kugihe kuri Facebook no kuri twitter
Ntakirutimana Deus/Bwiza.com
from bwiza http://ift.tt/2vJuiLG
via IFTTT
No comments:
Post a Comment