Umuyobozi w'akarere ka Rubavu Sinayobye Jermy n'umuyobozi w'umurenga wa Busanze mu karere ka Nyaruguru bose bamaze gutabwa muri yombi na polisi y'igihugu bakaba bakurikiranyweho kubangamira abakandida bari kwiyamamariza kuyobora igihugu.
Umuvugizi wa polisi Theos Badege wemeje aya makuru yavuze ko iperereza ry'ibanze ribahamya ko babangamiye abakandida bari kuzenguruka igihugu biyamamaza.
Badege yavuze ko iperereza rigiye gukomeza ngo barebe neza uruhare aba bayobozi baba baragize mu kubangamira abakandida.Yavuze ko uburenganzira bw'abakandida bose bungana bityo ko uziha kubuhungabanya wese agomba kubibazwa n'amategeko.
Aba bayobozi bombi bakekwaho kubangamira umukandida Mpayimana Philip urigushaka kuba Perezida aho ahanganye na Paul Kagame usanzwe ayobora na Habineza Frank.
Ibikorwa by'abayobozi babangamira abakandida biyamamaza byanumvinaye mu karere ka Nyagatare ndetse na Kirehe naho abayobozi babo babangamiye umukandida Frank Habineza.
Minisitiri w'ubutegetsi bw'igihugu Francis Kaboneka yari aherutse kwihaniza abayobozi b'intara, uturere n'umujyi wa Kigali ko batazabangamira abakandida biyamamaza bakabareka bakiyamamaza abaturage bakazihitiramo uwo bashaka.
from Makuruki.rw | Amakuru Asesenguye! http://ift.tt/2uQwULB
via IFTTT
No comments:
Post a Comment