Umutoza w'ikipe y'igihugu y'umukino wa Volleyball Paul Bitoke avuga ko bafite intego yo kuba aba mbere mu mikino y'akarere ka 5 izatangira kubera mu Rwanda ku munsi w'ejo ndetse no kubona itike y'igikombe cy'isi.
Ku munsi w'ejo kuwa Gatandatu tariki ya 22 kugeza 24 Nyakanga 2017 mu Rwanda hazaba habera imikino y'akarere ka 5 izitabirwa n'amakipe 4 arimo u Rwanda ruzakira iri rushanwa, Kenya, Uganda na Sudani y'Epfo.
Umutoza w'ikipe y'igihugu Paul Bitoke avuga ko ikipe imeze neza ndetse n'abakinnyi bahagaze cyane biteguye kwegukana iri rushanwa.
Ati"Intego yacu nyamukuru ni ukuba aba mbere muri iri rushanwa byanashoboka tukanabona itike y'igikombe cy'Isi, twakinnye amarushanwa menshi atandukanye kuburyo byadushyira nko mu makipe 4 meza muri Afurika kandi ni icyifuzo cyanjye nk'umutoza kumva ko tugomba kuza mu makipe 3 ya ,mbere muri Afurika.
Biteganyijwe ko iri rushanwa rizamara iminsi 2, imikino izajya ikinwa guhera saa 16:00' uwo ni umukino wa mbere naho uwa kabiri ugatangira saa 18:00, naho uko amakipe azahura bikaza kumenyakana ku mugoroba wo kuri uyu wa Gatanu.
from Makuruki.rw | Amakuru Asesenguye! http://ift.tt/2vJk3qM
via IFTTT
No comments:
Post a Comment