Amakipe azajya yitabira imikino ya nyuma y’igikombe cy’Afurika yongerewe

Guhera mu mwaka wa 2019, amakipe azajya yitabira imikino ya nyuma y’igikombe cya Afurika cy’ibihugu mu mupira w’amaguru aziyongeraho 8, ni ukuvuga ko azava kuri 16 akaba 24, kandi n’igihe iyi mikino yaberaga cyahinduwe.

Ubusanzwe ayo makipe yahuraga ari 16 yajyaga mu mikino ya nyuma y’iri rushanwa, ndetse imikino nyiyabaga mu mpeshyi, ariko impinduka zatangajwe mu nama yahuje abantu batandukanye ku mupira w’amaguru muri Afurika  yabereye i Rabat muri Maroc, yatangarijemo impinduka zirimo ko n’igihe iri rushanwa ryaberaga gihinduwe, rikazajya riba hagati ya Kamena na Nyakanga, nkuko bigaragara ku rubuga rwa Jeune Afrique.

Ishyirahamwe ry’umupira w’amaguru mrui Afurika caf, tariki ya 20 Nyakanga 2017 ryatangaje izi mpinduka kubera ko mu gihe iri rishunwa ryaberaga aribwo shampiyona y’i Burayi mu bihugu bitandukanye nko mu Bwongereza no mu Bufaransa yabaga igeze mu mahina, ugasanga amakipe amwe arihanganye arekuye abakinnyi ayandi ntabarekuye.

Izi ni zimwe mu mpinduka zitangijwe na Perezida mushya w’iri shyirahamweAhmad ahmad, umunya-Madagascar watowe muri Werurwe 2017.

Izi mpinduka kandi zije kuvuguruza uwahoze ari umuyobozi wa CAF,Issa Hayatou (1988-2017), wari  waranze ko iyi mikino yajya iba muri aya mezi. Impamvu nta yindi ni uko muri aya mezi ngo muri Afurika y’Amajyarugu haba hashyushye cyane, mu yo hagati hahehereye mu y’Amajyepfo hakonje.

Ahmad Ahmad  yahakanye izi mpamvu za Hayatou ahereye ku byabaye ku ikipe ya Cameroun mu gikombe cyakinwe muri uyu mwaka wa 2017, aho abakinnyi b’iki gihugu batandatu batitabiraga iri rushanwa mu rwego rwo kudatererana amakipe yabo akenshi usanga yarabaguze akayabo,  abo barimo uwa Liverpool Joel Matip.

Kongera umubare w’amakipe ngo bishobora kuzagira ingaruka ku gihugu kizajya cyakira iyi mikino kuko kigomba kugira sitade 6 zigomba gukinirwaho, mu gihe mbere hakenerwaga enye.

Iki kibazo ngo gishobora kuzatangirana ingaruka zacyo kuri Cameroun izakira imikino yo mu mwaka wa  2019.

Irushanwa ryo gushaka amakipe azajya muri iri rushanwa rizaba muri 2019 ryaratangiye, amakipe 48 akaba ari guhatana mu matsinda 12.

Iki cyemezo cyo kongera umubare w’amakipe kirasa n’icyafashwe n’ishyirahamwe ry’umupira w’amaguru i Burayi, UEFA, ryongereye umubare w’amakipe yitabira irushanwa rya Euro, dore ko mu mwaka ushize yongerewe akaba 24, mu irushanwa ryabereye mu Bufaransa, mbere ryitabirwaga na 16.

Kanda hano ujye ubona amakuru yihuse kandi kugihe kuri Facebook no kuri twitter

Ntakirutimana Deus/Bwiza.com

from bwiza http://ift.tt/2tOewxU
via IFTTT